Թուրքիայի Turkish Petroleum նավթային ընկերությունը շարունակում է երկրաբանական հետզոտությունները Սև ծովում՝ հույս ունենալով գտնել նավթի ու գազի պաշարներ:
Համաձայն «ՌԻԱ Նովոստի»-ի՝ այդ մասին ասել է ընկերության գլխավոր տնօրեն Բեսիմ Շիշմանը:
«Մինչև հիմա մենք հորատել ենք 6-7 հորատանցք Սև ծովում: Նավթի և գազի պաշարներ հայտնաբերվել են բոլորում, սակայն դրանց ծավալները չեն համապատասխանում մեր ակնկալիքներին: Աշխատանքները շարունակվում են: Միայն սեյսմիկ հետազոտությունների վրա ընկերությունը ծախսել է 400 մլն դոլար, իսկ հորատման վրա՝ մոտ 2 մլրդ դոլար: Մենք հավատում ենք, որ մի արժանի բան կգտնենք Սև ծովում»,- հայտարարել է Շիշմանը:
