Բրիտանական աշխարհահռչակ The Rolling Stones խումբը մարտի 25-ին Կուբայի մայրաքաղաք Հավանայում անվճար համերգ կունենա, հաղորդում է Associated Press-ը:
Նշվում է, որ համերգը տեղի կունենա ԱՄՆ նախագահ Բարաք Օբամայի այցից 3 օր հետո:
«Մեր երկարատև գործունեության ընթացքում համերգներ ենք ունեցել տարբեր վայրերում, սակայն Հավանայում այս շոուն յուրահատուկ իրադարձություն կդառնա մեզ և, հույս ունենք՝ կուբացի մեր բարեկամների համար»,- ասվում է խմբի տարածած հաղորդագրության մեջ:
