Բրիտանական The Guardian պարբերականի կայքում այսօր հրապարակվել է մի տեսանյութ, որում պատկերված է, թե ինչպես են ոչնչացվում Էդվարդ Սնոուդենի կողմից տրամադրված նյութերի խտասկավառակները: Այս օպերացիան իրականացվել է Մեծ Բրիտանիայի համապատասխան ծառայությունների վերահսկողությամբ:
Այն իրականացվել է կես տարի առաջ: Հիշեցնենք, որ բրիտանական պարբերականն առաջինն էր, որ հրապարակել էր ամերիկացի գործակալի նյութերը: 2013 թվականի հոկտեմբերին Մեծ Բրիտանիայի վարչապետ Դևիդ Քեմերոնը խոստացել էր դատի տալ պարբերականին: Իսկ The Guardian-ի գլխավոր խմբագիր Ալան Ռասբրիջերը հայտնել էր, որ իրենք հրապարակել են Սնոուդենի տրամադրած նյութերի միայն մեկ տոկոսը:
