Թանկացումների մասին խոսակցությունները սին են. պտուղ-բանջարեղենի գները Մեյմանդարի շուկայում

Նիկոլ Փաշինյանն այսօր շրջել է Երևանի շուկաներում՝ պարզելու պտուղ-բանջարեղենի գները: Նիկոլ Փաշինյանը զարմացել է բարձր գներից: Երևանյան շուկաներում գներն իրականում բարձր են, բայց թանկացումներն արհեստական են, և թանկացնողները վերավաճառողներն են:

Հովտաշատ գյուղում (նախկին Մեյմանդար)՝  Երևանից 11 կմ հեռու գտնվող ամենամեծ շուկայում, որն հենց այդպես էլ կոչվում է՝ Մեյմանդարի շուկա, գներն էականորեն տարբերվում են մեր իմացած գներից:

AraratNews.am-ն ուսումնասիրել է պտուղ-բանջարեղենի գները, որն ապացուցում է, որ թանկացումների մասին խոսակցությունները սին են:

Եվ այսպես, 1 կիլոգրամ

Վարունգ — 150 դրամ

Լոլիկ — 200 դրամ (երկար լոլիկ՝ 250 դրամ)

Կանաչ տաքդեղ — 200 դրամ, կծուն՝ 300

Ծիծակ — 170 դրամ

Կանաչ լոբի — 400 դրամ

Սմբուկ — 80 դրամ

Դդմիկ — 80 դրամ

Գազար — 180 դրամ

Գլուխ սոխ — 100 դրամ

Կարտոֆիլ — 120 դրամ

Ճակնդեղ — 100 դրամ

Տեղական սխտոր — 800 դրամ

Կաղամբ — 200 դրամ

Ծաղկակաղամբ — 250 դրամ

Եգիպտացորեն — (1 հատը)՝ 80 դրամ:

Մեյմանդարի շուկայում կանաչեղենը նույնպես էժան է. այսպես, մեկ կապ համեմն արժի 100 դրամ, կանաչ սոխը՝ 250 դրամ, ռեհանը՝ 60 դրամ, մաղադանոսը՝ 130 դրամ, մառոլը՝ 150, սամիթը՝ 100 դրամ, իսկ նեխուրը՝ (քյարավուզ) 50 դրամ:

Մրգերի գներն էլ էականորեն տարբերվում են մեր իմացած գներից:

1 կգ դեղձն արժի 300 դրամ, սալորը՝ 100, իսկ սև սալորը՝ 150 դրամ, խաղողի գները տատանվում են 300-500 դրամի սահմաններում: Ձմերուկի մեկ կիլոգրամը 70 դրամ է, իսկ սեխինը՝ 150 դրամ: Մեկ դույլ մոշն արժի 4000 դրամ:

Վերը բերված գները կարող եք ուսումնասիրել Երևանի շուկաների գների հետ և կհասկանաք՝ իրականում թանկացում կա՞, թե՞ ոչ: Քաղաքացիները պետք է իմանան այս շուկայի տեղն ու հասկանան, թե որտեղի՛ց կարելի է առևտուր անել :

Քարտեզում նշված է այն գյուղը, որտեղ գտնվում է հայտնի շուկան:

Հարություն Մկրտչյան