ԱՄՆ-ում Տեխասի նահանգի Սան Անտոնիո քաղաքի թաղման բյուրոյից գողացել են 25-ամյա հանգուցյալի մարմինը, հաղորդում է NBC News-ը: Տեղեկության համար 20 հազար դոլար պարգև է նախատեսված:
Ջուլիա Մոթը մահացել է օգոստոսի 8-ին, բնածին հիվանդության` մուկովիսցիդոզի հետևանքով: Հարազատները որոշել են հոգեհանգիստ կատարել օգոստոսի 15-ին.այդ օրը լրանում էր հանգուցյալի 26 տարին: Ժամատանը հոգեհանգստից հետո դագաղը տեղափոխվել է թաղման բյուրո, որտեղ օգոստոսի 16-ին դիակիզում էր նշանակված:
Հաջորդ օրը աշխատակիցները հայտնաբերել են դագաղը բացված, առանց դիակի: Քաղաքի ոստիկանությունը ենթադրում է, որ աղջկա մարմինն անհետացել է բյուրոն փակելուց հետո:
Վարկածներից մեկի համաձայն, առևանգողները հնարավոր է դիակիզման հակառակորդները լինեն:
