Այսօր «Մոսկվա» կինոթատրոնում տեղի ունեցավ «Միլիոնավոր կյանքեր» տեսահոլովակի պրեմիերան, որը նվիրված է Հայոց ցեղասպանության 100-րդ տարելիցին: «Միլիոնավոր կյանքեր» տեսահոլովակը նկարահանվել է համանուն ծրագրի շրջանականերում, որի հեղինակներն են Կարեն Մարգարյանը, Տիգրան Պետրոսյանը և Գրիշա Աղախանյանը:
Տեսահոլովակը յուրօրինակ մի զրույց է պապիկի և ծոռնուհու միջև, ուր Մեծ Հայրիկը վերհիշում է իրենց գերդաստանի տառապանքների պատմությունը: Պապիկի կերպարը մարմնավորել է մեծ բարերար, հայազգի նվիրյալ Հրայր Հովնանյանը, ում գերդաստանի պատմությունը խորհրդանշում է միլիոնավոր մարդկանց ընտանիքների անպատմելի ողբերգական ճակատագիրը: Հրայր Հովնանյանը նույնպես ներկա էր տեսահոլովակի պրեմիերային:
Հայոց ցեղասպանության մասին պատմող «Միլիոնավոր կյանքեր» տեսահոլովակի բառերը գրել է բանաստեղծ Ռիդա Մեյը, երաժշտության հեղինակն է կոմպոզիտոր և պրոդյուսեր Կարեն Մարգարյանը: Տեսահոլովակի ռեսժիսորներն են Միհրան Ստեփանյանը, Հայկ Ատոմցը, Օլեգ Մովչանը, Նատալիա Իվանովան և Օլեգ Տարավկովը:
