Ճանապարհային ոստիկանությունն արձագանքել է Վարչական դատարանի վճռին, որը փաստաբան Ռուզաննա Ազրոյանի բողոքի հիման վրա անօրինական էր ճանաչել բնակավայրերում երթևեկության արագությունը 40 կմ/ժամով սահմանափակող ճանապարհային նշանը:
Ճանապարհային ոստիկանության իրավաբանական բաժնի պետ, ոստիկանության փոխգնդապետ Արման Չիլինգարյանը նշել է, որ պատրաստվում են վճիռը բողոքարկել Վերաքննիչ դատարանում, իսկ անհրաժեշտության դեպքում նաև Վճռաբեկ դատարանում:
