Ճապոնիայի փոխարտգործնախարար Սինսուկե Սուգիյաման ճանապարհվել է Մոսկվա` բանակցությունների, փոխանցում է Interfaks-ը` հղում անելով ճապնոկան հեռուստաընկերությանը:
Ճապոնացի դիվանագետը ծրագրել է հոկտեմբերի 8-ին հանդիպել ՌԴ փոխարտգործնախարար Իգոր Մորգուլովին:
Ինչպես հաղորդում են ԶԼՄ-ները` Սուգիյամայի նպատակն է ռուսական կողմի հետ վերսկսել բանակցությունները խաղաղության պայմանագիր կնքելու ուղղությամբ:
Ավելի վաղ հաղորդվել էր, որ Ճապոնիայի վարչապետ Սինձո Աբեն ՄԱԿ-ի Գերագույն ասամբլեայի շրջանակներում ծրագրել էր Պուտինի հետ քննարկել Կուրիլյան կղզիների շուրջ տարածքային վեճը:
