Ճապոնիայի կառավարությունը հայտարարել է, որ մտադիր չէ զիջումների գնալ և բավարարել «Իսլամական պետություն» խմբավորման պահանջը: Այս մասին հաղորդում է France-Presse գործակալությունը՝ հղում կատարելով ճապոնական գործադիր մարմնի ներկայացուցիչ Յոշիհիդե Սուգային:
Հիշեցնենք, որ «Իսլամական պետությունը» համացանցում տեսանյութ է հրապարակել, որում 200 միլիոն դոլար է պահանջում երկու ճապոնացի պատանդների՝ Գոտո Ձյոգոյի և Հարունա Յուկավայի կյանքի դիմաց:
Այժմ աշխատանքներ են ընթանում տեսանյութի իսկությունը պարզելու ուղղությամբ:
«Մեր երկրի դիրքորոշումն անփոփոխ է՝ պայքարել ահաբեկչության դեմ առանց զիջումների: Եվ այն անփոփոխ էլ կմնա», — հայտարարել է Սուգան:
