Անթալիայում Ռուսաստանի գլխավոր հյուպատոս Օլեգ Ռոգոզան հայտարարել է, որ 2019-ին արձանագրվել է Անթալիա հանգստանալու եկած ռուսաստանցիների մի քանի տասնյակ մահվան դեպքեր: Այս մասին հաղորդում է Ռիա Նովոստին:
Նրա խոսքով՝ դա կապված է նրա հետ, որ ռուսաստանցիները մեկնելուց առաջ ոչ միշտ են կարողանում համարժեք գնահատել իրենց առողջական վիճակը:
Նա նշել է, որ սա նախևառաջ վերաբերում է տարեց մարդկանց, որոնք տանջվում են քրոնիկական հիվանդություններից, որոնք սրվում են տապի պայմաններում:
Հյուպատոսը նաև հավելել է, որ զբոսաշրջիկները չարաշահում են ոգելից խմիչքները, ինչպես նաև անհոգ են պահում իրենց ծովում և էքսկուրսիա մեկնելիս:
Գլխավոր հյուպատոսը կոչ է արել ռուսաստանցիներին ավելի ուշադիր լինել իրենց առողջության նկատմամբ:
