Super Mario համակարգչային խաղը շատ արդյունավետ միջոց է հոգեկան խանգարումների բուժման հարցում: Այսպիսի եզրակացության են եկել գերմանացի գիտնականները` ուսումնասիրելով մարդու ուղեղում տեղի ունեցող փոփոխությունները Super Mario խաղալիս: Այս մասին գրում է Molecular Psychiatry-ն:
Մասնավորապես պարզվել է, որ Super Mario խաղալիս ուղեղում ավելանում է գորշ նյութը: Ավելին, պարզվել է, որ խաղի ժամանակ ակտիվանում են ուղեղի այն հատվածները, որոնք պատասխանատու են հիշողության, ծրագրավորման և խոսքի համար: Գիտնականների կարծիքով, այս խաղը կարելի է օգտագործել որպես դեղամիջոց, օրինակ, շիզոֆրենիա հիվանդության համար:
