Մադրիդի «Ատլետիկոյի» հարձակվող Ֆերնանդո Տորեսը կոչ է արել չքննադատել «Բարսելոնայի» հարձակվող Լուիս Սուարեսին ցածր արդյունավետության համար։ Այս մրցաշրջանում Սուարեսը կատալոնական ակումբի կազմում 12 խաղում դարձել է ընդամենը 2 գոլի հեղինակ, մինչդեռ նախորդ տարի Անգլիայում նա 33 խաղում խփել էր 31 գոլ՝ հանդես գալով «Լիվերպուլում»։
«Նա որոշիչ խաղացող է։ Նա անում է կեղտոտ աշխատանքը։ Պետք է հասկանալ, որ Սուարեսը այստեղ է եկել մի թիմից, որը խփում էր 50 գոլ, իսկ նա միակն էր, ով գոլեր էր խփում այդ թմում։ Մինչդեռ «Բարսայում» նա խաղադաշտ է դուրս գալիս Մեսսիի հետ, ով միայնակ է 50 գոլ խփում», — ասել է Տորեսը։ Այս մասին հաղորդում է իսպանական AS-ը։
