Սպիտակ տունը հաստատել է տեղեկություններն այն մասին, որ ԱՄՆ-ի պաշտպանության նախարար Չաք Հեյգելը շուտով կազատվի իր զբաղեցրած պաշտոնից: Այս մասին հաղորդում է CNN-ը:
Ավելի վաղ այս մասին տեղեկացրել էր The New York Times-ը: Սպասվում է, որ ԱՄՆ-ի նախագահ Բարաք Օբաման համապատասխան հայտարարությամբ հանդես կգա աայսօր Երևանի ժամանակով 20:10-ին:
68-ամյա Հեյգելի պաշտոնանկության հիմնական պատճառն այն է, որ նա գործնականում ձախողվել է Սիրիայում և Իրաքում «Իսլամական պետություն» խմբավորման դեմ պայքարում:
Հիշեցնենք, որ Հեյգելին Պենտագոնի ղեկավարի պաշտոնում ԱՄՆ-ի սենատը հաստատել էր 2013թ.-ի փետրվարի 26-ին:
