«Արարատ» հայկական Միության նախաձեռնությամբ մեկնարկեցին Հայոց ցեղասպանության 101-րդ տարելիցին նվիրված միջոցառումները: Այս մասին «Հայերն այսօր»-ին հայտնում են Վալենսիայի «Արարատ» հայկական միությունից:
Ապրիլի 22-ին Միսլատայի Մշակույթի Տանը տեղի ունեցավ «Սպի» ֆիլմի իսպաներեն տարբերակի (“El padre”) ցուցադրումը, որին ներկա էին շուրջ 200 հայ, իսպանացի և այլազգի հանդիսատեսներ Վալենսիայից, Միսլատայից, Կարկախենտից, Մանիսեսից, Կույերայից, Սիյայից և մարզի այլ քաղաքներից:
Միջոցառման բացման խոսքը վերապահված էր միության Երիտասարդական հարցերով փոխնախագահ Սարգիս Բրսոյանին, ով նախ շնորհակալություն հայտնեց Միսլատայի քաղաքապետարանին` նման հնարավորություն ընձեռելու համար, քաղաքապետարանի ներկայացուցչությանն ու բոլոր ներկաներին, ապա հակիրճ ներկայացրեց ցեղասպանության պատմությունն ու այս միջոցառման նշանակությունը:
Այնուհետև Սարգիս Բրսոյանը խոսքը տվեց հայկական միության նախագահ Արարատ Ղուկասյանին, ով հակիրճ ներկայացրեց ֆիլմը` նշելով այն կարևոր հանգամանքը, որ ֆիլմի ռեժիսորը թուրք Ֆաթիհ Աքինն է: Նախագահը շեշտեց ֆիլմի հիմքում ընկած հայ ընտանիքի հզորությունն ու միասնականությունը, ինչպես նաև հայի տեսակի անկոտրում կամքը, ապրելու բուռն ցանկությունն ու հույսը:
Ֆիլմը մեծ տպավորություն թողեց հատկապես օտարազգի հանդիսատեսի վրա, որոնցից շատերը խոստովանեցին նյութին անտեղյակ լինելու մասին:
Ապրիլի 24-ին Վալենսիայում և Միսլատայում անցկացվեց երթ-ցույցը, որն ավարտվեց «Կենսց խաչ» հուշարձահուշարձանի մոտ` մոմավառությամբ ու խնկարկությամբ:
