Նորվեգիայի մայրաքաղաք Օսլոյում Նոբելյան մրցանակի հանձնման արարողության ժամանակ անհայտ տղամարդը մեքսիկական դրոշով դուրս է եկել միջոցառման գլխավոր հարթակ: Այս մասին հայտնում է բրիտանական The Daily Mail-ը:
Երիտասարդին արագորեն հեռացրել են միջոցառումը հսկող իրավապահները: Հաղորդվում է, որ նա ձերբակալված է:
Խռովարարի շարժառիթներն անհայտ են, սակայն ներկաները նկատել են, որ նա փորձել է ինչ-որ բան ասել խաղաղության Նոբելյան մրցանակակիր Մալալա Յուսուֆզային:
Ավելի վաղ հայտնի էր դարձել, որ մրցանակին արժանացել է պակիստանցի 17-ամյա իրավապաշտպան Մալալա Յուսուֆզային և երեխաների իրավունքների պաշտպան Քայլաշ Սատյարտհին։
