«Այս պահի դրությամբ Սիրիայից հայերի զանգվածային էվակուացիայի խնդիր Հայաստանի իշխանությունների կողմից չի քննարկվում»,- «Ա1+»-ի հետ զրույցում նշել է ԱԳՆ մամլո խոսնակ Տիգրան Բալայանը։
Խոսնակը տեղեկացրել է, որ եթե կան ընտանիքներ, որոնք ցանկանում են ինքնակամ, իրենց միջոցներով ժամանել Հայաստան, ապա պետությունը հնարավորին դյուրացրել է այդ գործընթացը, մասնավորապես քաղաքացիության շնորհման, մուտքի արտոնագրի տրամադրման, ինչպես նաև ինտեգրացիայի հետ կապված հարցերում։
Հիշեցնենք, որ Հալեպում ապրող տասնյակ հայեր խնդրում են իրենց ձայնը տեղ հասցնել և պատերազմի դաշտից տեղափոխվել ցանկացող հարյուրավոր ընտանիքների փոխադրել: Ըստ այդ ահազանգերի, շատերն ուղղակի միջոցներ չունեն Հալեպից դուրս գալու եւ ընտանիքով տեղաշարժվելու համար պարզ խորհրդատվության կարիք ունեն:
