Սիրիայի արտաքին գործերի նախարարությունը դիմել է ՄԱԿ-ի գլխավոր քարտուղարին և Անվտանգության խորհրդի նախագահին՝ պահանջելով պատժամիջոցներ կիրառել Իսրայելի դեմ, որը նախօրեին օդային հարվածներ է հասցրել Դամասկոսի շրջաններից մեկին եւ միջազգային օդանավակայանին։
Նախնական տեղեկություններով՝ Իսրայելը հարվածներ է հասցրել ռազմական պահեստներին։ Զոհեր չկան։ Մամուլում հայտնվել է տեղեկություն, թե այդ պահեստները պատկանել են «Հիզբոլլահ» շարժմանը, ինչը սիրիական իշխանություններն անմիջապես հերքել են։
Սիրիան Իսրայելին մեղադրել է «Ալ-Կաիդային» այս քայլով աջակցելու մեջ, քանի որ ավիահարվածները հասցվում են այդ ահաբեկչական խմբավորման դեմ պայքարող սիրիական կառավարական ուժերի զինանոցին։
