Սիերա Լեոնեում արգելք է սահմանվել հանրային սուրբծննդյան միջոցառումների վրա՝ կապված Էբոլա տենդի տարածման հետ: Այս մասին հայտնում է The Daily Mail-ը:
Երկրի իշխանությունները հայտարարել են, որ սուրբծննդյան տոնակատարություններ ռամանակ փողոցներում զինվորներ են հերթապահելու: «Մենք երաշխավորում եմք, որ բոլորը տանը կմնան», — նշել են իրավապահ մարմինների ներկայացուցիչները:
ԱՀԿ մասնագետների հաշվարկներով՝ համաճարակից տուժած երկրներում վարակակիրների թիվը մոտենում է 17 հազարի սահմանագծին, իսկ զոհերի թիվը շուրջ 6,4 հազար է:
Նշենք, որ 1976թ.-ին այս վիրուսն առաջին անգամ արձանագրվել է Զաիրում (ներկայումս՝ Կոնգոյի Դեմոկրատական Հանրապետություն) և անվանակոչվել այն գետի անունով, որի ափին գտնվել է առաջին հիվանդների բնակատեղին:
Հավելենք, որ, Առողջապահության համաշխարհային կազմակերպության հաշվարկներով, Էբոլա վիրուսի պատճառով առաջացող հեմոռագիկ տենդի տարածման տեմպերը 2015թ.-ի երկրորդ կեսից կնվազեն:
