Ինչպես 2008-ին, այնպես էլ այսօր, ըստ պաշտոնական վիճակագրության, Շիրակի մարզը համարվում է հանրապետության ամենաաղքատ մարզը:
Ազգային վիճակագրական ծառայությունը հրապարակել է «Հայաստանի սոցիալական պատկերը և աղքատությունը» զեկույցը, համաձայն որի թեև 2012 թվականի հետ համեմատած 2013թ.-ին աղքատ բնակչությունը աննշան կրճատվել է՝ 32.4 տոկոսից իջնելով 32 տոկոսի, սակայն այս թիվը, միևնույն է, մեծ է նախաճգնաժամային թվից։
Զեկույցի համաձայն Հայաստանի ամենաաղքատ մարզը համարվում է Շիրակի մարզը, որտեղ բարձր է ծայրահեղ աղքատության ցուցանիշը:
2013 թվականի մարտի 7-ին, երբ կառավարությունը որոշեց Շիրակի մարզ գործուղել ԱԱԾ տնօրենի տեղակալ, գեներալ-լեյտենանտ Ֆելիքս Ցոլակյանին, մարզպետի պաշտոնում նշանակվելուց հետո կառավարությունում նա լրագրողների հետ զրույցում վստահեցնում էր, որ Շիրակի մարզ հասնելուն պես կծանոթանա մարզում առկա խնդիրներին եւ կսկսի աշխատել: «Իհարկե մարզում կան դժվարություններ: Բոլոր որոշումները կայացվելու են խորհրդատվությունների միջոցով, կգնամ, կծանոթանամ իրական վիճակին, որից հետո էլ կսկսենք աշխատանքները»,- ասել էր Ֆ.Ցոլակյանը:
Դժվար է ասել՝ պարոն Ցոլակյանը արդյոք այն ժամանակ իսկապես չէր պատկերացնում, որ իր նշանակումով Շիրակի մարզում ոչինչ չի փոխվելու:
Ներկայացնում ենք ԳԱԼԱ-ի հարցազրույցը ամենաաղքատ մարզի մարզպետ Ֆելիքս Ցոլակյանի հետ:
—Պարոն մարզպետ, տեղյա՞կ եք, որ Շիրակի մարզը «ճանաչվել է» հանրապետությանամենաաղքատ մարզը:
-Որտե՞ղ է ճանաչվել:
—ԱՎԾ—ի հրապարակումների համաձայն, պաշտոնական տվյալներով, երեկ էհրապարակվել:
-Չեմ կարդացել:
—Շիրակի մարզում, ըստ զեկույցի, 45.9 տոկոս աղքատություն կա:
Համարյա նույն է, չէ՞, մի քիչ ավելացել է փաստորեն նախաճգնաժամային վիճակիհամեմատությամբ:
-Փաստորեն: Հա մի քիչ ավելացել է:
—Ինչո՞վ եք պայմանավորում այս ամենը:
-Ինչո՞վ պետք է պայմանավորեմ: Բոլոր տեղերում է հավանաբար փոփոխություն եղել, այդ թվում նաեւ Շիրակում: Շիրակի մարզում վատ է եղել, ավելի է վատացել, ուրիշ բան չի եղել:
—Երբ Դուք նոր էիք նշանակվել, ասում էիք, որ լավ եք աշխատելու, փաստորենմարզպետի լավ ու վատ աշխատանքից կախված չէ, մարզպետից ու մարզպետարանիցկախված չէ…
-Ի՞նչ կապ ունի այստեղ իմ նշանակումը: Այստեղ խոսում ենք մեկ տարվա ընթացքում տեղի ունեցած փոփոխության մասին: Հիմա եղել է վատ սոցիալական վիճակը: Ես պարզ ասում եմ՝ անցյալում այդ թիվը վատ է եղել ու չի փոխվել: Ես համեմատություն պետք է անցկացնեմ մյուսների հետ, որպեսզի տեսնեմ, նոր ձեր հարցին պատասխանեմ: Սոցիալական վիճակի հետ կապված կարծում եմ, որ առանձնապես փոփոխություն չի եղել այս տարում:
—Պարոն Ցոլակյան, իսկ ո՞ր համայնքներն են ամենաաղքատը Շիրակի մարզում:
-Չեմ կարող ասել, էդ ձեւի անալիզ չունեմ ես:
—Ի՞նչ եք կարծում, ի՞նչ պետք է արվի, որ գոնե մյուս տարի իրավիճակը փոխվի,մարզպետարանը ի զորո՞ւ է որեւէ բան փոխել, թե՞ խնդիրը ավելի խորքային է:
-Շատ բան պետք է արվի: Մարդիկ պետք է աշխատանք ունենան:
Մանրամասներն՝ այստեղ:
