Royal Dutch Shell ընկերությունը հինգ տարի ժամկետով պայմանագիր է ստորագրել Սեւ ծովի` Բուլղարիային պատկանող ափերում նավթի որոնման վերաբերյալ: Այդ մասին հայտնել է Բուլղարիայի էներգետիկայի նախարար Տեմենուժկա Պետկովան, տեղեկացնում է RNS-ը:
Ճշտվում է, որ Shell-ը նախատեսել է Սիլիստար զանգվածի հետախուզման գործում 18,6 մլն եվրո ներդնել:
«Գործընթացը կարող է շատ երկար եւ անորոշ լինել: Հետախուզումը սկսելուց առաջ, կստանանք կարգավորիչ մարմինների եւ բնապահպանական ծառայությունների բոլոր անհրաժեշտ հավանությունները», — հայտնել է Shell-ի Մերձավոր Արեւելքի եւ Հյուսային Աֆրիկայի ստորաբաժանման փոխնախագահ Էյլին Ուիլքինսոնը:
