Շանթի դատավարության բացառիկ դեպքերը

Երեկ երեկոյան Շանթ Հարությունյանի և ընկերների դատական գործով Կենտրոն-Նորք-Մարաշ ընդհանուր իրավասության առաջին ատյանի դատարանում հրապարակվեց դատավճիռը, ըստ որի.

Շանթ Հարությունյանը դատապարտվեց 6 տարվա ազատազրկման,
Վահե Մկրտչյանը՝ 7 տարվա ազատազրկման,
Ալբերտ Մարգարյանը՝ 6 տարվա ազատազրկման,
Լիպարիտ Պետրոսյանը` 5 տարվա ազատազրկման,
Վարդան Վարդանյանը՝ 5 տարվա ազատազրկման,
Ալեք Պողոսյանը և Ավետիս Ավետիսյանը մեղավոր ճանաչվեցին քրեական օրենսգրքի 258-րդ հոդվածի 4-րդ մասով` համապատասխանաբար դատապարտվելով 4 և 5 տարվա ազատազրման,
Մկրտիչ Հովհաննիսյանը՝ 4 տարվա ազատազրկման,
Հայկ Հարությունյանը դատապարտվեց 4,5 տարվա ազատազրկման,
Միսակ Առաքելյանը՝ 50.000 դրամ տուգանքի,
Սևակ Մնացականյանը՝ 1,6 տարվա ազատազրկման,
Տիգրան Պետրոսյանն ու Արմեն Հովհաննիսյանը դատապարտվեցին 1 և 2 տարվա ազատազրկման:

Շանթ Հարությունյանի անչափահաս որդին՝ Շահեն Հարությունյանը, դատապարտվեց 4 տարվա պայմանական ազատազրկման:

Շանթի ու ընկերների փաստաբաններն ասացին, որ իրենք բոլոր դատական ատյաններով գնալու են՝ մինչև Եվրոպական Մարդու Իրավունքների դատարան:

Անշուշտ, կասկած չկա, որ դատական պրոցեսը շինծու էր ու նախապես ակնհայտ կեղծիքներով ընթացող: Սակայն Հայաստանի քաղաքական դատավարությունների մեջ առաջին անգամ ականատես եղանք անչափահասի դատապարտման: Ականատես եղանք փաստի՝ երբ Շահեն Հարությունյանը դպրոցից ուղիղ դատի էր գնում և ի վերջո 
նա մեղադրվեց հորը պաշտպանելու մեջ:

Ալեք Պողոսյանի ֆակտորը ևս զարմանալի էր, քանի որ 5 երեխաների հայր, Արցախյան ազատամարտի ակտիվ մասնակից անձը ևս բավական ծանր պատիժ կրեց՝ 4 տարվա ազատազրկում:

Իսկ հասարակությունն երեկ արդեն իր գնահատականը սոցիալական ցանցերով և բողոքի ակցիայով տվել է, այժմ էլ շրջանառվում է այս տարվա նոյեմբերի 5 -ին մեծ ակցիա կազմակերպելու միտքը:

Արմեն Մկրտչյան