ԱՄՆ իշխանությունները թույլատրել են 80-ամյա սերիական մարդաասպան Չարլզ Մենսոնին ամուսնանալ երրորդ անգամ։ Այս անգամ նրա հետ ամուսնանալու է 26-ամյա Էֆթոն Էլայն Բարտոնը, ով մարդասպանի երիտասարդ երկրպագուներից մեկն է։
Զույգը 90 օր ժամանակ ունի ամուսնությունը գրանցելու համար։ Մենսոնն այժմ գտնվում է բանտում, ուր անցկացնում է ցմահ բանտարկությունը։ Ավելի վաղ Բարթոնը հավաստիացնում էր, որ իր ամուսնության մասին լուրերն անհեթեթություն են։
Ամուսնական արարողությանը մասնակցելու է մինչև 12 մարդ, հիմնականում ՝ բանտարկյալներ։ Թույլատրվել է նաև մեկ մատուցողի մուտքը բանտային տարածք։
Մենսոնը 1969 թվականին հարձակում է կատարել մի ընտանիքի վրա, ինչի հետևանով սպանվել է 3 կին և մեկ տղամարդ։ Սպանվածների մեջ եղել է նաև ռեժիսոր Ռոման Պոլանսկու հղի կինը։ 1972 թվականին Կալիֆոռնիայի դատարանը որոշել է մահապատիժը փոխարինել ցմահ ազատազրկմամբ։
