Սերբիայի նախագահ Տոմիսլավ Նիկոլիչը երկրի խորհրդարանը ցրելու հրամանագիր է ստորագրել, հաղորդում է Reuters-ը:
Արտահերթ խորհրդարանական ընտրությունները նշանակված են ապրիլի 24-ին:
«Եկել է ժամանակը ևս մեկ անգամ ստուգելու այն բարեփոխումները, որոնք արդեն զգալի են շատ քաղաքացիների համար»,- ասել է Նիկոլիչը:
Ավելի վաղ հաղորդվել էր որ Սերբիայի կառավարությունը դիմել է Նիկոլիչին` խնդրելով արտահերթ խորհրդարանական ընտրություններ անցկացնել: Այս քայլով երկրի կառավարությունն արձագանքել է վարչապետ Ալեքսանդր Վուչիչի այն հայտարարությանը, որ երկրում բարեփոխումները շարունակելու համար նոր մանդատ է անհրաժեշտ:
