Հայաստանի անկախության օրը՝ սեպտեմբերի 21-ը, կրկնակի տոն է արարատնյուզցիների համար. ուղիղ 4 տարի առաջ բացվեց նաեւ Araratnews.am լրատվական կայքը։ Օրը պատահական չէր ընտրված, քանի որ հենց սեպտեմբերի 21-ին հռչակվեց Հայաստանի անկախությունը, ինչն էլ դարձավ մեր լրատվամիջոցի կարգախոսը։
Անցած 4 տարիները թեև մեզ համար հեշտ չեն եղել, և անմասն չենք մնացել շատ խնդիրներից ու դժվարություններից, սակայն կարողացել ենք անկոտրում մնալ ու դիմակայել ցանկացած մարտահրավերի:
Այս ընթացքում մեր ընթերցողների շարունակ աճող թիվը պարտավորեցնում է, որ լինենք ավելի օպերատիվ, հավատարիմ մնանք մեր որդեգրած սկզբունքին՝ տրամադրելով անաչառ եւ հավասարակշռված տեղեկատվություն։
