Առնվազն 310 մարդ է զոհվել Սաուդյան Արաբիայում տոնական միջոցառման ժամանակ առաջացած հրմշտոցի հետևանքով: Դրա մասին Twitter-ի իր էջում հայտնել է Սաուդյան Արաբիայի քաղաքացիական պաշտպանության վարչությունը:
Ավելի վաղ հաղորդվել էր 150 զոհի մասին: Վիրավորների թիվը գերազանցում է 450-ը և չի բացառվում, որ տուժածների ու զոհերի թիվը կաճի:
Դեպքը տեղի է ունեցել Արաֆաթ սարի մոտ, ուր ավանդաբար հավատացյալները քարերով հարվածում են սատանային խորհրդանշող սյանը: Դեպքի վայրում ներկայում աշխատում է 4000 փրկարար:
