Գործարար Սամվել Մայրապետյանը 30 մլն դրամ գրավի դիմաց ազատ է արձակվել կալանքից: «Արմենպրես»-ի հետ զրույցում այս մասին հայտնեց Մայրապետյանի պաշտպան Կարեն Բատիկյանը:
«Մայրապետյանն այժմ ազատության մեջ է, և գտնվում է հիվանդանոցում»,- ասաց Բատիկյանը:
Սամվել Մայրապետյանին մեղադրանք է առաջադրվել ՀՀ ՔՕ 38-311 հոդվածի հատկանիշներով: Գլխավոր դատախազությունը մերժել էր Մայրապետյանի նկատմամբ կիրառված խափանմանմիջոց կալանավորումն անձնական երաշխավորությամբ փոխելու միջնորդությունը։
