Այսօր լրագրողների հետ հադիպման ժամանակ ՀՀ ՊՆ մամուլի խոսնակ Արծրուն Հովհաննիսյանը խոսեց նաև տարեսկզբից սահմանում նկատվող լարվածության մասին: Բանախոսը նշեց, որ, ինչպես ցանկացած դեպք, երեկ գիշեր հակառակորդի բացած կրակից խաղաղ բնակչի զոհվելը ևս անպատասխան չի մնա:
«Հասարակական ընկալումների մեջ զոհը միշտ պարտություն է ընկալվում, ինչը ճիշտ չէ: Հունվարի սկզբից ընհանուր իրավիճակը սահանում լարված է, բայց մշակել քայլ, որը միանգամից կլուծի իրավիճակը՝ դժվար է: Այս պահին սահմանում կա դանդաղ պատերազմ: Եթե մենք ընդամենը մեկ օր այս պատերազմում պարտվենք, մենք ոչ թե զոհ կունենանք այլ դիրքեր կկորցնենք: Ոտնձգություններին պատասխան չտալը ևս պարտություն կնշանակի»,-նշեց բանախոսը:
Նա ընգդծեց, որ հրամանատարությունը նոր ելքեր է փնտրում հակառակորդի նորարարություններին պատասխան տալու համար: Ինչ վերաբերում է երեկ հակառակորդի արձակած կրակից զոհված խաղաղ բնակչին՝ Ա. Հովհաննիսյանը նշեց, որ սա ևս անպատասխան չի մնա՝ ընդգծելով, որ հայկական կողմը քաղաքացիներին չի սպանում, մեր կռիվը սահմանի զինվորի հետ է:
Վարդուհի Ստեփանյան
