Մեզ մոտ ներդրումներ կատարելու շատ բան կաˋ հաշվի առնելով մեր տարածքի և մարդկային ռեսուրսները, և բնակլիմայական պայմանները:
Այս մասին այսօր լրագրողների հետ հանդիպմանը ասաց Տավուշի մարզի սահմանամերձ Չինարի գյուղի գյուղապետ Սամվել Սաղոյանըˋ անդրադառնալով կառվարության կողմից ներկայացված «Սահմանամերձ գյուղական համայնքներում գործունեությունը հարկերից ազատելու մասին» օրենքին:
«Մեր անտառները շատ հարուստ են, ունենք, ուրց, մասուր, անտառի հոն, նուռ, պնդուկ, պոպոք: Հատապտղի և մրգի հենքի վրա կարելի է գործարարություն զարգացնել, անասնապահության զարգացմամբ կարելի է զբաղվել: Մեր աղբյուրի ջրերը շատ մաքուր են, կարելի է լցավորել, շշավորել, միայն ցանկություն է պետք»,-ասաց Սաղոյանը:
Նա նշեց, որ սահմանամերձ համայնքներում կան կրպակներ, խանութներ աշխատեցնողներ, որոնց նույնպես հարկային արտոնությունը ձեռնտու է:
«Օրենքի հիմնական նպատակը կայանում է նրանում որ գործարարները մուտք գործեն սահմաններ, կա հնարավորություն մեզ մոտ ներդրումներ անելու, բայց ինչքանով կարվի՝ արդեն գործարարները գիտեն»,-ասաց սահմանամերձ Մովսեսի գյուղապետ Արարատ Ավալյանը:
