«Ազգային ճակատի» և «Պյոտր Պորոշենկոյի դաշինքի» պատգամավորները հայց են ներկայացրել Ուկրաինայի գլխավոր դատախազություն` ընդդեմ Օդեսայի նահանգապետ Միխեիլ Սաակաշվիլիի: Վերջինս մեղադրվում է կազմակերպված հանցախմբի ստեղծման և երկրին 6,5 մլրդ գրիվենի վնաս հասցնելու մեջ` այս մասին հաղորդում են ուկրաինական ԶԼՄ-ները:
«Միխեիլ Սաակաշվիլին կազմակերպված հանցախումբ է ստեղծել` Ուկրաինայի ազգային հակակոռուպցիոն բյուրոյի աշխատակիցների մասնակցությամբ»,- «Ուկրաինական լուրերը» մեջբերել է Գերագույն ռադայի պատգամավոր Ալեքսանդր Դրոզդիկի խոսքը, ով ստորագրել է հայցը:
