Ռուսաստանի Քննչական կոմիտեն քրեական գործ է հարուցել Խաչատուրյան քույրերի հոր նկատմամբ: Հիշեցնենք, որ քույրերը մեղադրվում են 2018-ի հուլիսին հոր սպանության մեջ:
«Ռուսաստանի ՔԿ-ի քննչական խումբը գործից առանձնացրել է Միխայիլ Խաչատուրյանի նկատմամբ նյութերը՝ իր դուստրերի նկատմամբ հանցագործություն կատարելու փաստով»,- հաղորդում է ՏԱՍՍ-ը՝ հղում կատարելով իրավապահ համակարգում իր աղբյուրներին:
2019-ի հունիսին Ռուսաստանի քննչական կոմիտեն վերջնական մեղադրանք է ներկայացրել երեք քույրերին՝ Անգելինային, Քրիստինային և Մարիային՝ Մոսկվայում իրենց հոր սպանության համար:
Աղջիկների, ընտանիքի բարեկամների ու հարևանների ցուցմունքի համաձայն՝ հայրը երկար տարիներ ծեծել, բռնություն է գործադրել նրանց նկատմամբ ու ծաղրել, իսկ նրանք սպանությունը համարել են ինքնապաշտպանություն:
