Անկարայում ՌԴ դեսպան Անդրեյ Կարլովը հայտարարել է, որ Ռուսաստանը սպասում է, որ Թուրքիան պաշտոնապես ներողություն խնդրի Սու-24-ի կործանման համար, պատժի մեղավորներին և փոխհատուցի վնասը, հաղորդում է RIA Novosti-ն:
«ՌԴ նախագահ Վլադիմիր Պուտինն ամենասկզբից հայտնել է, թե ինչ պետք է անի Թուրքիան մեր հարաբերություններում այս խորագույն ճգնաժամը հաղթահարելու համար: Սպասում ենք, որ թուրքական կողմը պաշտոնապես ներողություն խնդրի, պատժի մեղավորներին և փոխհատուցի մեր պետությանը հասցված վնասը»,- ասել է դեսպանը:
