ՌԴ վարչապետ Դմիտրի Մեդվեդևը Ալեքսանդր Լուկաշենկոյին շնորհավորել է Բելառուսի նախագահի պաշտոնում վերընտրվելու կապակցությամբ, գրում են պաշտոնական աղբյուրները:
«Ձեր համոզիչ հաղթանակը վերահաստատում է լայն աջակցությունը Ձեր կողմից տարվող քաղաքականությանը, որը ներառում է Բելառուսի քաղաքացիների բարեկեցության մակարդակի բարձրացումն ու Ձեր ակտիվ մասնակցությունը եվրասիական ինտեգրացիոն գործընթացներին», — ասել է Մեդվեդևը:
Իսկ ԱՄՆ պետդեպը, հակառակը, ափսոսանք է հայտնել, որ Բելառուսում ընտրությունները չեն համապատասխանել ժողովրդավարական չափանիշներին: Դրա մասին ասվում է պետդեպի պաշտոնական հայտարարության մեջ:
