Երեքշաբթի, Ֆրանսիայում Ռոսկոսմոսը դատական հայց է շահել, որ կապված էր «Յուկոսի» գործի հետ և որի հաշիվների վրա կալանք է, հայտնել է ընկերության հաղորդակցության տնօրեն Իգոր Բուրենկովը. փոխանցում է РИА Новости գործակալությունը:
«Մենք այս դատը շահեցինք, նրանք հասկացան, որ մեր պնդումները հիմնավոր են և պետք չէր մեր հաշիվները կալանել, մենք մեր շահերը պաշտպանել ենք և ապագայում էլ պաշտպանելու ենք»,-ասել է Բուրկենովը:
Նախօրեին մամուլում տեղեկություններ էին տարածվել, որ «Յուկոսի» գործի շրջանակներում կալանավորվել են Ռոսկոսմոս և պետական «Տիեզերական կապ» ձեռնարկությունների ակտիվները, ընդհանուր՝ 700 միլիոն դոլար արժողությամբ :
