Օգոստոսի առաջին կեսին նախատեսվում է Ռուսաստանի և Թուրքիայի ղեկավարության հանդիպում: Ռուսաստանը պատրաստ է կառուցողական բանակցությունների` հայտարարել է ՌԴ փոխվարչապետ Արկադի Դվորկովիչը Թուրքիայի փոխվարչապետ Մեհմեթ Շիմշեկի հետ հանդիպման ժամանակ: Այս մասին հաղորդել է ՌԻԱ «Նովոստի»-ն:
Նա նշել է, որ ռուսական ռազմական ինքնաթիռը ոչնչացնելու համար Թուրքիայի ղեկավարության հայցած ներողությունը այն հիմքն է, որը հարաբերությունները վերականգնելու հնարավորություն կտա:
«Երկու երկրներն ունեն առևտրի, ներդրումային փոխգործակցության շատ լավ հնարավորություններ, այդ թվում`խոշոր նախագծերի իրականացման առումով: Զբոսաշրջային հոսքերի վերականգնման մասով անհրաժեշտ է ստեղծել համապատասխան նախադրյալներ և անվտանգության երաշխիքներ»,- ասել է նա:
