Ռուսաստանի ֆինանսների նախկին նախարար Ալեքսեյ Կուդրինը, ելույթ ունենալով Դավոսի տնտեսական ֆորումի շրջանակներում, հայտարարել է, որ Ռուսաստանը մոտ ժամանակներս կարող է վերադառնալ G8 փոխանցում է TASS-ը:
«Վստահ եմ, որ Ռուսաստանը մի քանի բանակցություններից կամ նոր երկխոսությունից հետո կվերադառնա բոլոր համաշխարհային ձևաչափեր` ներառյալ Մեծ ութնյակը: Սա կլինի ոչ թե այն պատճառով, որ Ռուսաստանը նորից կդառնա գերուժեղ տնտեսական տերություն, այլ այն պատճառով, որ երկիրն ունի որակներ, այդ թվում աշխարհաքաղաքական, ռազմական, որոնք էլ ի սկզբանե հիմք էին հանդիսացել Ռուսաստանը Մեծ ութնյակ ընդգրկելու համար»,- ասել է Կուդրինը:
