Ռուսաստանի արտգործնախարար Սերգեյ Լավրովը հայտարարել է, որ Մոսկվան շարունակելու է աջակցել Աֆղանստանի անվտանգության ուժերի մարտունակության բարձրացմանը, հաղորդում է Interfaks-ը:
«Պատրաստ ենք և կշարունակենք աջակցել բանակի և անվտանգության ուժերի մարտունակության բարձրացմանը Աֆղանստանում, որտեղ իրավիճակը կտրուկ վատթարացել է: Կաջակցենք աֆղանական օրինապահ ուժերի կատարելագործմանը, ներդրում կունենանք ազգային հաշտեցման գործընթացում»,- ասել է նախարարը:
