Ռուս գիտնական անտոն Կոնովալովը ևս միացել է համաշխարհային բարեգործական Ice Bucket Challenge ֆլեշմոբին, որի մասնակիցները սառցե ջուր են լցնում իրենց վրա, ինչից հետո «մարտահրավերը» փոխանցում այլ մարդկանց:
Վերջինները կա՛մ պետք է կրկնեն հնարքը, կա՛մ գումար հանգանակեն մոտոնեյրոնի պրոգրեսիվ հիվանդություններից մեկի՝ ամիոտրոֆիկ կողմնային սկլերոզի դեմ պայքարի հիմնադրամին:
Ինչպես հաղորդում է The Daily Mail-ը, գիտնականը, սակայն, որոշել է ջրի փոխարեն լոգանք ընդունել հեղուկ ազոտով: Նա իր վրա է լցրել Ցելսիուսի սանդղակով -195 աստիճան ջերմաստիճան ունեցող մեկ դույլ հեղուկ ազոտ:
«Ես վստահում եմ ֆիզիկայի, կենսաբանության և մաթեմատիկայի օրենքներին և հավատում, որ ինձ հետ որևէ վատ բան չի պատահի», — նշել է Կրասնոյարսկի հեղուկ ազոտի գործարանի աշխատակիցը:
