«Ռեալի» հարձակվող Կրիշտիանո Ռոնալդուն ճանաչվել է Իսպանիայի առաջնության անցած մրցաշրջանի լավագույն ֆուտբոլիստ և հարձակվող։
29-ամյա պորտուգալացին նաև ճանաչվել է տարվա լավագույն գոլի հեղինակ։
Պրիմերայի լավագույն դարպասապահ է ճանաչվել «Լևանտեում» այդ տարի հանդես եկող Քեյլոր Նավասը, ով ներկայում համալրել է «Ռեալի» կազմը։ «Ռեալում» հանդես եկող Սերխիո Ռամոսը ճանաչվել է տարվա լավագույն պաշտպան, Լուկա Մոդրիչը՝լավագույն կիսապաշտպան։
Կատալոնական «Բարսելոնայում» խաղացող Անդրես Ինյեստան ճանաչվել է հարձակվողական ոճի տարվա լավագույն կիսապաշտպան։
