Իսպանիայի ֆուտբոլային պրոֆեսիոնալ լիգայի նախագահ Խավյեր Տեբասը կարծիք է հայտնել Մադրիդի «Ռեալի» հարձակվող Կրիշտիանո Ռոնալդուի՝ մրցավարի հասցեին ուղղված վիրավորական ժեստի կապակցությամբ։
«Կարծում եմ, որ այն պահի համար, երբ Կրիշտիանո Ռոնալդուն ձեռքը դրել էր գոտկատեղից ներքև՝ արգահատանքն արտահայտելու համար, պետք է պատիժ հետևի։ Մենք չենք կարող թույլ տալ, որպեսզի նման ժեստեր արվեն հանդիսատեսի աչքի առաջ։ Նման ժեստի համար ֆուտբոլում պետք է լինեն հեռացումներ, քանի որ ֆուտբոլիստները պետք է ընդօրինակելի լինեն։
Եթե պատժելու հնարավորություն կա, ուրեմն պետք է պատժել», — ասել է Տեբասը։
