Մադրիդի «Ռեալի» ու Պորտուգալիայի հավաքականի հարձակվող Կրիշտիանու Ռոնալդուն ռեկորդ է սահմանել՝ դառնալով առաջին մարզիկը, ով 200 մլն հետևորդ ունի Facebook-ում, Twitter-ում ու Instagram-ում, հաղորդում է Forbes-ը:
Facebook-ում Ռոնալդուն 109.7 մլն հետևորդ ունի, Instagram-ում՝ 49.6, իսկ Twitter-ում՝ 40.7: Ամեն օր ֆուտբոլիստի հետևորդների թիվն ավելանում է 135 հազարով:
«Բարսելոնայի» արգենտինացի հարձակվող Լիոնել Մեսսին ունի 120.8 մլն հետևորդ, սակայն նա գրանցված չէ Twitter-ում:
Սոցկայքերում երրորդ ամենահայտնի մարզիկն է «Քլիվլենդի» բասկետբոլիստ Լեբրոն Ջեյմսը: Նա ունի 69 մլն հետևորդ:
