Հայաստանի երկրորդ նախագահ Ռոբերտ Քոչարյանը ՌիաՆովոստիին տված ծավալուն հարցազրույցում անդրադարձել է հարցերի բավական լայն շրջանակի, այդ թվում նաև՝ Հայաստանի արտաքին քաղաքական կուրսի կտրուկ փոփոխությանը՝ Ռուսաստանից դեպի Արևմուտք: Նա մասնավորապես ասել է.
— Շատերն են արտահայտվում այս հարցի առնչությամբ: Բարդ է մեր իրավիճակում կտրուկ փոխել մոտեցումները: Մենք գտնվում ենք կոնկրետ ռազմաքաղաքական միությունում, դրան որևէ տեսանելի այլընտրանք չկա:
— Իսկ հիմա Դուք տեսնո՞ւմ եք Ռուսաստանից հեռանալու այդ քայլերը:
— Վերջերս Comedy Club Երևանում ներկայացրեց հետաքրքիր մանրապատում, երբ մի քանի երկրներ քննարկում են իրենց փոխհարաբերությունները: Շատ դիպուկ և հումորով նկարագրում են այն, ինչ տեղի է ունենում այսօր, և այն, ինչ, ամենայն հավանականությամբ, տեղի կունենա առաջիկա երկու-երեք տարիներին:
