Անգլիական լրատվամիջոցները հաղորդում են, որ Մադրիդի «Ռեալը» պատրաստվում է իր հերթական աղմկահարույց տրանսֆերին:
The Times-ի տեղեկություններով` ակումբի նախագահ Ֆլորենտինո Պերեսը նախաձեռնելու է «Չելսիի» ֆուտբոլիստ Էդեն Ազարի տեղափոխությունը:
Թերթը հաղորդում է, որ եթե Ազարը դառնա «Ռեալի» ֆուտբոլիստ, Պերեսը կկարողանա վաճառել թիմի երկու առաջատարներից առնվազն մեկին` Կրիշտիանու Ռոնալդուին կամ Գարեթ Բեյլին, որոնց համար պայքարում են «Մանչեսթեր Յունայթեդն» ու ՊՍԺ-ն:
Հիշեցնենք, որ նախորդ մրցաշրջանում 24-ամյա բելգիացին դարձել է Անգլիայի Պրեմիեր լիգայի լավագույն ֆուտբոլիստ:
