Մադրիդի «Ռեալը» մտադիր է երկարաձգել պայմանագիրն ուելսցի կիսապաշտպան Գարեթ Բեյլի հետ, Armsport.am-ի փոխանցմամբ հաղորդում է The Telegraph-ը:
Աղբյուրի համաձայն՝ «արքայական ակումբում» չափազանց գոհ են կիսապաշտպանի խաղից ու նրա վերաբերմունքից:
Մադրիդցիների հետ Բեյլի պայմանագիրն ավարտվում է 2018 թվականին, և «Ռեալը» ցանկանում է երեք տարով երկարաձգել պայմանագիրը: Ինչ վերաբերում է ֆինանսական պայմանններին, ապա Բեյլին կառաջարկեն գրեթե այնքան, որքան ստանում է պորտուգալացի հարձակվող Կրիշտիանու Ռոնալդուն: «Ոսկե գնդակի» եռակի դափնեկիրը ստանում է 20.5 մլն եվրո, իսկ ուելսցին՝ 9 մլն:
Այսպիսով, նա կդառնա «Ռեալի» երկրորդ ամենաբարձր վարձատրվող ֆուտբոլիստը:
