ՆԱՏՕ-ի ընդլայնումը դեպի արևելք կհանգեցնի նրան, որ Ռուսաստանը կսկսի համապատասխան քայլեր ձեռնարկել։ Այս մասին հայտարարել է ՌԴ ԱԳՆ պաշտոնական ներկայացուցիչ Ալեքսանդր Լուկաշևիչը։ Հաղորդում է TASS գործակալությունը։
«ՆԱՏՕ-ի հնարավոր հետագա ընդլայնումը դեպի արևելք կհանգեցնի Եվրոպայում և աշխարհում ռազմաքաղաքական լուրջ տեղաշարժերի», — ասել է նա։ Լուկաշևիչի խոսքերով՝ տպավորություն է ստեղծվում, որ Ուկրաինայի իշխանությունները ՆԱՏՕ-ի հետ մերձեցումը դիտարկում են որպես Ռուսաստանի հետ հարաբերությունների այլընտրանք։
Հիշեցնենք, որ դեկտեմբերի 23-ին Ուկրաինայի գերագույն ռադան ընդունել է մի որոշում, որով Ուկրաինան հրաժարվել է իր արտաբլոկային կարգավիճակից։
