ՌԴ ԱԳՆ-ում հայտարարում են, որ Ռուսաստանից դեպի Աբխազիա C-300 զենիթահրթիռային համակարգեր ուղարկելու մասին հաղորդումներն իրականությանը չեն համապատասխանում. հաղորդում է Interfax-ը:
«Քարոզչական աղմուկի հիմք են դարձել ամեն ինչ` թե Վրաստանի հետ իր սահմանին անցակետերը օպտիմալացնելու Աբխազիայի իրավաչափ որոշումը, թե երկկողմ համաձայնագիրը, որը թույլ է տալիս Հարավային Օսիայի բնակիչներին անհատական պայմանագրերով ծառայել ռուսաստանյան բանակում, և Աբխազիայում իբր C-300 լրացուցիչ դիվիզիոն տեղակայելու մասին չստուգված տեղեկությունը, և լրիվ ֆանտաստիկ պատմությունը` Վրաստանի տարածքով դեպի Հայաստան ռուսական զորասյան անցման մասին»,- նշված է ՌԴ արտաքին քաղաքական գերատեսչության կայքում տեղադրված հաղորդագրության մեջ:
