ՌԴ նախագահ Վլադիմիր Պուտինն ու Սիրիայի նախագահ Բաշար Ասադը հեռախոսազրույցի ընթացքում քննարկել են Սիրիայում հասատատվելիք հրադադարի հետ կապված հարցեր, հաղորդում է TASS-ը` հղում անելով Կրեմլի մամուլի ծառայությանը:
«2016 թվականի փետրվարի 27-ից Սիրիայում ռազմական գործողությունները դադարեցնելու մասին ռուս-ամերիկյան համաձայնության իրագործման համատեքստում քննարկվել են սիրիական ճգնաժամի հետ կապված տարբեր հարցեր»,- ասվում է հաղորդագրության մեջ:
Պուտինն ու Ասադն ընդգծել են «Իսլամական Պետություն» և «Ջաբհաթ ան-Նուսրա» ահաբեկչական խմբավորումների դեմ միասնական պայքարի անհրաժեշտությունը:
