Օդեսայի նահանգապետ Միխեիլ Սաակաշվիլին Rustavi 2 հեռուստաընկերությանը տված հարցազրույցում դրական է արտահայտվել Ուկրաինայի նախագահ Պյոտր Պորոշենկոյի գործունեության մասին:
«Պորոշենկոն շատ բարձր մակարդակի քաղաքական գործիչ է: Նա ունի և՛ թերություններ, և՛ բավական մեծ առավելություններ»,- ասել է Սաակաշվիլին:
Վերջինս նաև ընդգծել է, որ Պորոշենկոյին երկրի վարչապետ Արսենի Յացենյուկի հետ համեմատելը ծիծաղելի է, քանի որ Պորոշենկոն ցանկանում է բարեփոխումներ իրականացնել:
Սաակաշվիլին նաև կարծիք է հայտնել, որ Ուկրաինայի կառավարությունը պիտի հրաժարական տա:
