Araratnews.am-ը տարկետման իրավունքը խիստ սահմանափակող օրենքի ընդունումից հետո գրել էր, որ բանակից խուսափելու օպերացիան` առողջական կեղծ փաստաթղթերի ձեւակերպմամբ, արդեն սկսվել է: Օրենքին դեմ եղողները նաև ասում էին, որ բանակից խուսափողները, որոնք մեծ մասամբ ունեւորներն են, առողջական խնդիրների պատճառաբանմամբ կխուսափեն բանակից: Այս հարցն այսօր տվեցինք պաշտպանության փոխնախարար Արտակ Զաքարյանին եւ հիշեցրինք՝ ավագ դպրոցներից մեկում արդեն սկսվել է այդ գործընթացը: Հարցը կարծես դուր չեկավ պաշտպանության փոխնախարարին, որը մեզանից անուններ պահանջեց: Երբ պատասխանեցինք, որ իշխանության համար դժվար չէ այդ անուններն իմանալ, Արտակ Զաքարյանը նորից անուններ պահանջեց, հակառակ դեպքում մեր հարցը համարեց օդում կրակոցի նման:
Հ.Գ. Դե, այլ պատասխան փոխնախարարից չէինք էլ սպասում, քանի որ դժվար է խոսել դասալքության մասին: Չէ՞ որ նրա հարազատ ՀՀԿ-ի մեծ մասը հին եւ նոր սերնդով դասալքության կատարյալ օրինակ է: Իսկ բանակում չծառայելը ՀՀԿ-ականների մեծ մասի համար «պիտնո» է:
Մանրամասները՝ տեսանյութում:
Սոնա Դավթյան
