Եվրամիությունը մտադիր է փախստականների հոսքը կրճատելու նպատակով կրկնապատկել այլ երկրներին հատկացվող ֆինանսավորումը՝ Gazeta.ru-ի փոխանցմամբ հայտարարել է Եվրոպական ներդրումային բանկի ղեկավար Վերներ Հոյերը:
Նրա խոսքով` առաջիկա 5 տարվա ընթացքում ԵՄ-ն այդ նպատակով կտրամադրի լրացուցիչ 6 մլրդ եվրո:
«Շատ կարևոր է, որ Եվրոպան աջակցի այն երկրներին, որոնք ընդունել են մեծ թվով փախստականների»,- ասել է Հոյերը:
Նա հավելել է, որ այդ գումարներն առաջին հերթին կտրամադրվեն Հորդանանին, Լիբանանին, Եգիպտոսին և Մահրիբայի երկրներին: Ֆինանսական աջակցություն կստանան նաև արևմտաբալկանյան այնպիսի երկրներ, ինչպիսիք են Սերբիան և Ալբանիան:
Նշվում է, որ այդ միջոցները կուղղվեն դպրոցների կառուցմանը, առողջապահության համակարգի բարելավմանը և խմելու ջրի մատակարարմանը:
