Թուրքիայի նախագահ Ռեջեփ Թայիփ Էրդողանը կոչ է արել համաշխարհային հանրությանը լուծել փախստականների հիմնախնդիրները` նրանց բնակավայրերին վերադարձնելով խաղաղությունը, հաղորդում է RIA-Նովոստի գործակալությունը: Էրդողանը դրա մասին խոսել է Մոսկվայում, Եվրոպայի ամենամեծ մզկիթի բացման ժամանակ:
Էրդողանը հայտարարել է, որ «շատ ցավալի է տեսնել, թե ինչպես են մարդիկ ոչ միայն զրկվում իրենց դավանանքին հետևելու հնարավորությունից, կորցնում իրենց արմատներն ու հողը, այլ նաև` կյանքի իրավունքը»: «Այն, ինչ տեղի է ունենում Միջերկրական ծովի ափերին, մարդկության խղճին է մնալու, դրա համար ամբողջ մարդկությունը պետք է ամաչի», — նշել է Թուրքիայի նախագահը:
«Փախստականների խնդրի լուծումը նրանում չէ, որպեսզի փակենք սահմանը կամ թողենք նրանց մահանան բաց ծովում: Լուծումն այն է, որպեսզի նրանց պետությունները կրկին անվտանգ դարձնենք ապրելու համար», — ասել է Էրդողանը:
